HOME TLAXCALA
The Translators’ Network for Linguistic Diversity
TLAXCALA'S MANIFESTO  WHO WE ARE  TLAXCALA'S FRIENDS   SEARCH 

SOUTH OF THE BORDER  (Latin America and the Caribbean)
IMPERIUM  (Global Issues)
THE LAND OF CANAAN  (Palestine, Israel)
UMMA  (Arab World, Islam)
IN THE BELLY OF THE WHALE  (Activism in the Imperialist Metropolis)
PEACE AND WAR  (USA, EU, NATO)
THE MOTHER CONTINENT  (Africa, Indian Ocean)

TYPHOON ZONE  (Asia, Pacific Basin)
WITH A K AS IN KALVELLIDO (Diary of a Proletarian Cartoonist)
STORMING BRAINS  (Culture, Communication)
UNCLASSIFIABLE  
TLAXCALAN CHRONICLES  
TLAXCALA'S REFERENCE ZONE   (Glossaries, Dictionaries, Maps)
LIBRARY OF AUTHORS 
GALLERY 
TLAXCALA'S ARCHIVES  

06/12/2020
Español Français English Deutsch Português Italiano Català
عربي Svenska فارسی Ελληνικά русски TAMAZIGHT OTHER LANGUAGES
 

Honduras : Asadur aserdasi* n Soto Cano


AUTHOR:  Tameskart Eva GOLINGER

Translated by  Tasuqilt: Omar MOUFFOK


*Base militaire

Aselway n Honduras, Manuel Zelaya, yettwaṭṭef d ameḥbus deg leqs’er n uselway, anda ay tella tnezduγt-nnes, sakk-in uwyen-t uwyen-t s yiγil γer usadur aserdasi (base militaire) n Hernan Acosta Mejias, ay d-yezgan sdat n Tegicugalpa, deg yiḍ n wass n lḥedd 28 Yunyu. Sdeffir ma yekka cwiṭṭ n wakud deg-in, uwyen-t sakk-in γer Costa Rica deg usafag (avion) n uselway. Zelaya mmugren-t deg tmurt-a deg lweqt ay deg, deg tmurt-nnes, tuttya taserdasit (coup d'Etat) tettkemmil s yiγil. Iserdasen imarikaniyen ed yigensas-nsen  (représentants) deg Tegucigalpa llan ran mliḥ d acu ara iḍerrun.


Soto Cano, asadur aserdasi (base militaire) amarikani deg Honduras

Iwunak Yeddukklen sεan, deg Honduras, yiwen n usadur aserdasi (base militaire), yezga-d deg Soto Cano (97 n yikilumitṛen γef tmaneγt), yerna asadur-a iqeddec seg 1981 (ledyen-t asmi ay yebda uselway Reagan leqdic-nnes n uselway). Naqal, d aknaner (colonel) amarikani Oliver North ay tt-yesqedcen i lmend n leqdicat ay ttgen « yikuntṛaten » (les « contra ») n Nicaragua. « Ikutṛaten »-a d iγallen imsellḥen ay sleγman (entraînés) Yimarikaniyen yerna kfan-asen idrimen i wakk-n ad gen amgaru (ṭṭrad) ed yimussa (mouvements) n uzelmaḍ deg Temrikt Talemmast, yerna llan ttnaγen ladγa mgal n unabaḍ asandini (gouvernement sandiniste) n Niicaragua. Seg usadur amarikani n Soto Cano ay llan yiremmaγen (irebraben) n Yikutṛaten qellεen-d i wakk-n ad gen tinṭagin (attentats). Tirebbaε-a n tmenγiwt llant ttgent akk les’naf n tuγdaḍin tusligin (missions spéciales), gar-asent timenγiwt n yigiman (luluf) n medden, tukerḍa n medden ed usseεreq-nsen, aεetteb, yerna lbaṭel-nsen ssukken-t γef medden deg wakk timiwa n Temrikt Talemmast, yerna sseγlin-d fell-asen rrebrab (terreur).   

Deg usadur (base) n Soto Cano ay d-yezga wammas (centre) n Yiγallen uxliḍen (mixte) n « Bravo » (Joint Task Force Bravo) ay deg llan yiserdasen n yigen n tegnit (armée de terre), iγallen n yigenwan ed yiγallen n laman ucriken n Ugalfu (bataillon) Amezwaru n Weswag (Régiment) wis 228 n temsafga (aviation) tamarikanit. S way-a, llan azal n 600 n yiserdasen imarikaniyen s ujemmal, ed 18 n yisafagen n yimenγi, gar-asen ad naf ikubṭiren n UH60 Black Hawk d CH47 Shinock. Deg Soto Cano daγen ay d-tezga Tkadimit n yigenni n Honduras. Ugar n 650 n yiγermanen (citoyens) imarikaniyen ed yihondurasiyen ay yezgan zedγen sdaxel n usadur-nni. Deg 2005, bdan bennun tanezduγt sdaxel-s, dγa ttwabnan 44 n yizudaγ (bâtiments) ed tnezduγin yemgerraden i yiγallen iserdasiyen.

Tamenḍawt (constitution) n Honduras ur tettajja, s webrid n lqanun, ad ttwaledyen yisudar iserdasiyen (bases militaires) ibeṛṛaniyen deg tmurt-a. D acu kan, yella-d yiwen n wemtawa (accord) « s wemxemmas » » (« handshake agreement ») d azgen-amezgay (semi-permanent) gar Yiwunak Yeddukklen ed Honduras i wakk-n ad ilin yiγallen iserdasiyen deg tmurt-a. Amtawa-a yella-d deg 1954 yerna d aḥric seg lemεawna-nni taserdasit ay llan ttakfen-tt Yiwunak Yeddukklen i Honduras. Yal aseggas, Washington tettakf tiwinas (centaines) n yimelyunen n yidulaṛen i lmend n lemεawna deg yinurar n yigen (armée) ed tdamsa n Honduras, yerna tamurt-a d nettat ay d tamurt tigellilt tis tlata deg Temrikt. Honduras tettalas ad tegzem amtawa-a war aεeyyen.

Deg 31 Mayyu 2008, aselway Manuel Zelaya yenna-d asadur (base) n Soto Cano (Palmerola) ad yeqqel yettusseqdac i waffug n medden γer beṛṛa. Yettwabna deg-in unafag aγarim (aéroport civil), yerna d timura n ALBA ay d-yekfan idrimen i lmend n way-a.  Amenzaḍ n temsafga (commandant de l’aviation) n Honduras, ajiniṛal Luis Javier Suazo, yeγra, deg 1996, deg Uγerbaz n Temrikin ay mechuṛen [aγerbaz-a aserdasi ledyen-t Yimarikaniyen deg 1946 deg Panama, sakk-in, deg 1984, uwyen-t-id γer Fort Benning, deg Georgia, deg Yiwunak Yeddukklen, yerna semman-as Asudu n Uzinmaḍal Aγerbi i Lamane d Wemεiwen – Institut de l’Hémisphère occidental pour la sécurité et la coopération ; d tanqiḍt n yemsuqqel]. Amalal n yiγef n teγlamt (chef d’Etat major conjoint) n Honduras, ajiniṛal Romeo Vasquez, yekkes-it Zelaya seg wemkan-nnes deg 24 Yunyu imi ur as-yuγ awal-nnes. Kra kan n wussan sakk-in, yelfa-d d netta ay yuraren dduṛ ameqran deg tuttya taserdasit ay d-yellan deg tmurt-a. Ula d netta seg uγerbaz-nni ay d-yuwey agerdas-nnes (diplôme). Sin-a n yiserdasen imeqranen n Honduras sεan assaγen (relations) imeqranen akked Pentagone ed yiserdasen imarikaniyen n Soto Cano.

Γas ma yella tadamsa (économie) n Honduras seddaw n leεnaya n Yiwunak Yeddukklen ay tella, assaγen (relations) idiplumatiyen gar snat-a n tmura bdan xeṣ̣ṣ̣ren deg wayyuren-a yezrin. Deg Nwembeṛ, aselway Zelaya ihenna Obama γer rrbeḥ-nnes deg tefranin, yerna yenna-d rrbeḥ n Obama « d assirem i umaḍal s lekmal-nnes ». Maca sin n wayyuren sakk-in, Zelaya yuzen tabṛat tudmawant (personnelle) i Obama ay deg ay yezzem fell-as imi Iwunak Yeddukklen ggaren-d iman-nsen deg tsertit n tmura niḍen. Zelaya yessutter daγen seg Yiwunak Yeddukklen ad εawden tamuγli deg way-n yerzan tasertit-nsen deg tukci n lvizat, imi Imarikaniyen sseqdacen lvizat d allal i wakk-n ad ḥeṛsen timura ur nettxemmim am nitni, γas ma yella axemmem n tmura-a ur yelli d amihi (danger) i Yiwunak Yeddukklen. Zelaya yerna yenna-d deg tebṛat-nnes i Obama « imenγi uγdim (juste) mgal tehyufin (drogues) ur yessekf ad yettusseqdec d ssebba i wakk-n kra n tmurt ad ttḥettem γef tmura niḍen ad tt-jjent ad tger iman-nnes deg tsertit-nsen n daxel ».

Cwiṭṭ kan n lweqt sakk-in, Zelaya, aselway n Honduras, ed Ortega, win n Nicaragua, γunzan yiwet n temlilit i lmend n Unagraw n Twaddfa n Temrikt Talemmast (Système d’Intégration de l’Amérique Centrale) ay deg yella yessekf ad yeḥdeṛ wenmazul n uselway (vice-président) amarikani Joe Biden.

Washington testeεṛef tella teẓra ad d-tili tuttya tasertdasit (coup d’Etat) deg Honduras qbel yimalas yezrin. Deg wass letniyen yezrin, sin seg yineṭṭaqen n weγlif n tγawsiwin n beṛṛa n Yiwunak Yeddukklen nnan i tγemsa (presse) anmahal (ambassadeur) n Yiwunak Yeddukklen ed yiwet n terbaεt n yidiplumatiyen imarikaniyen llan yagi « la ssawalen » ed yemḍebbren imeqranen n tuttya-a azal n wayyur qbel ad d-tili. Lemcawṛat-a ggtent deg yimalas aneggaru qbel ad d-tili tuttya-a, imi anmagal Hug Llorens yemlal tlata n tikkal akked yiserdasen-nni ay igan tuttya ed trebbaε tiγarimin (groupes civiques) [tanmegla (opposition) n uyeffus, d ixṣ̣imen n Zelaya ; tanqiḍt n yemsuqqel].

Tadbelt (administration) n Obama twet-d deg tuttya taserdasit ay d-yellan deg Honduras, maca s wawalen iweznen, dγa tenna-d tuttya-a d ccγel « ara yezzuγuren tamurt γer tuttya taserdasit », dγa, Imarikanyen ur steεṛef, seg yidis n lqanun, s way-n yeḍran deg Honduras d tuttya taserdasit. Awal-a ur iban unamek-nnes (lmeεna), yerna sqedcen-t Yimarikaniyen i wakk-n ad kemmlen ad sεun assaγen idiplumatiyen akked Honduras ed unabaḍ (lḥukuma) ay iḥekmen tamurt-a s lfeεl sdeffir n tuttya-nni taserdasit, am wakk-n daγen, Imarikaniyen steεṛfen s unabaḍ-a yerna bγan ad kemmlen ad t-ttεawanen ama seg yidis aserdasi, ama seg yidis n tdamsa. Yuγ lḥal, lemmer ad d-inin Yiwunak Yeddukklen ay-n yeḍran deg Honduras d tuttya taserdasit, Imarikaniyen ad ten-terr tmara, seg yidis n lqanun, ad gezmen assaγen idiplumatiyen ed Honduras, yerna ad ḥebsen amur ameqran seg lemεawna ay ttεawanen tamurt-a seg yidis n yigen (armée) neγ seg win n tdamsa.

Akk-n yebγu yili, Washington ur tebγi ad tqemmer s usadur (base) n Soto Cano, imi lemmer ad xeṣ̣ren wassaγen-nnes (relations) ed Honduras, taneggarut-a tezmer ad d-teẓẓeε 600-nni n yiserdasen ay sεan Yiwunak Yeddukklen deg tmurt-a. Nnig way-a, amur ameqran seg yiγallen n Honduras ay yettekkan deg tuttya-a taserdasit d imeddukal yerna d icriken imeqranen n Pentagone. Zelaya yeqdec akk-n ad yebnu anafag aγarim (aéroport civil) deg Soto Cano, d win ay yebγa ad t-yerr i ussikel (voyage) n medden γer tmura n beṛṛa, yerna s tedrimen n ALBA ay t-yebna. D acu kan, ixṣ̣imen-nnes walan ay-a d amihi (danger) γef ukemmel n tillin n yiserdasen imarikaniyen deg Honduras. Ihi, γas ufan-as-d ssebbat niḍen i Zelaya akk-n ad t-kksen, maca ula d tamsalt-a n Soto Cano nezmer ad nefhem yes-s ayγer Obama ur d-yessefra awal-nnes deg way-n yerzan tuttya taserdasit ay d-yellan deg Honduras.




Taγbalut: TeleSur - Base militar de EEUU en el centro del golpe: Intención de expulsar a la presencia militar estadounidense pudiera haber sido causa del golpe militar
 

Amagrad aneṣ̣li yeffeγ-d deg 30/6/2009

Γef umeskar

Omar Mouffok d amaslaḍ (membre) n Tlaxcala, aẓeḍḍa n yemsuqqlen i lmend n uṭṭuqqet n yilsawen. Tzemrem ad d-tessersem tasuqilt-a anda ay awen-yehwa, d acu kan, yessekf ad d-ters tekmel yerna ad d-tbedrem ameskar-nnes (auteur), imsuqqel-nnes ed teγbalut-nnes.

URL n umagrad-a deg Tlaxcala:
http://www.tlaxcala.es/pp.asp?reference=8848&lg=ot


SOUTH OF THE BORDER : 02/10/2009

 
 PRINT THIS PAGE PRINT THIS PAGE 

 SEND THIS PAGE SEND THIS PAGE

 
BACK TO LAST PAGEBACK TO LAST PAGE 

 tlaxcala@tlaxcala.es

PARIS TIME  1:53