HOME TLAXCALA
la red de traductores por la diversidad lingüيstica
MANIFIESTO DE TLAXCALA  NOSOTR@S  LOS AMIGOS DE TLAXCALA  BUSCADOR 

AL SUR DE LA FRONTERA (América Latina y Caribe)
IMPERIO (Asuntos globales)
TIERRA DE CANAءN (Palestina, Israel)
UMMA (Mundo لrabe, Islam)
EN EL VIENTRE DE LA BALLENA (Activismo en las metrَpolis imperialistas)
PAZ Y GUERRA (EEUU, UE, OTAN)
MADRE ءFRICA (Continente africano, Océano حndico)

ZONA DE TIFONES (Asia, Pacيfico)
KON K DE KALVELLIDO (Diario de un kurrante)
LIMPIAMENINGES (Cultura, comunicaciَn)
LOS INCLASIFICABLES 
LAS CRسNICAS TLAXCALTECAS 
LAS FICHAS DE TLAXCALA (Glosarios, léxicos, mapas)
BIBLIOTECA DE AUTORES 
GALERحA 
LOS ARCHIVOS DE TLAXCALA 

25/05/2019
Espaٌol Français English Deutsch Português Italiano Català
عربي Svenska فارسی Ελληνικά русски TAMAZIGHT OTHER LANGUAGES
 
قصيدة قصيدة

ممنوع


AUTOR:  أحمد فؤاد نجم


 

ممنوع من السفر

ممنوع من الغنا

ممنوع من الكلام

ممنوع من إلاشتياق

ممنوع من إلاستياء

ممنوع من إلابتسام

وكل يوم فى حبك تزيد الممنوعات

وكل يوم باحبك

أكتر من اللى فات

حبيبتي يا سفينه متشوقه وسجينه

مخبر فى كل عقده

عسكر فى كل مينا

يمنعني لو أغير عليكي

أو أطير إليكي

واستجير بحضنك

أو أنام فى حجرك الوسيع

وقلبك ألربيع أعود

كما الرضيع بحرقه الفطام

حبيبتي يا مدينه متزوقه

وحزينه فى كل حاره حسره

وفي كل قصر زينه

ممنوع من إني أصبح بعشقك ..

 أو أبات ممنوع من المناقشه

ممنوع من السكات

وكل يوم فى حبك

تزيد الممنوعات

وكل يوم باحبك أكتر من اللى فات

وكل يوم باحبك

أكتر من اللى فات

 

 

 

 

 


نبذة عن الشاعر احمد فؤاد نجم

البطل الثائر ملهم الجماهير الفاجومي الشاعر الحبيب

حفظه الله وامد في عمره احمد فؤاد نجم

قال عنه الشاعر الفرنسي الكبير لويس اراجون

ان فيه قوه تسقط الاسوار

واسماه الدكتورعلي الراعي الشاعر البندقيه

الرئيس الراحل السادات يسميه الشاعر البذيء

ولقب بآخر الصعاليك المحترمين

وبشاعر تكدير الامن العام

من مواليد مصر شرقيه

ولد عام 1929
وكان والده ضابط شرطة برتب زمان طبعا وتحديدا كان اول دفعته ومكنش يعرف اكيد ان ابنه هيكون مطارد فى يم من الايام من كل رجل شرطة فى مصر

بسبب شعره سجن ثمانيه عشر عاما اسيبكم شوية بقى معاه

مع وعد بانى اجيب اجزاء تانيه من حياة نجم بس ادعوا ربنا يسهل

إقتباس:

قضيت سنه 1977 في سجن أبو زعبل بتهمة التحريض على انتفاضة 18 و 19 يناير 1977

تصور سياديك ! انتفاضة 18 و19 يناير سنه 1977 اللي شارك فيها أكتر من عشرين مليون مواطن مصري من اسكندريه لأسوان ، أنا المحرض الرئيسي بتاعها !!

طب بذمة النبي ، فيه مجد أكتر من كده ؟ مش دي اللي بيقولوا عليها تهمه لاأنفيها وشرف لا أدعيه ؟ أي والله تهمه لا أنفيها وشرف لا أدعيه . أنا يطلع من إيدي أحرض مليون بني آدم ؟

علي الطلاق بالتلاته ميري وملكي وأبو حنيفه ، دنا كنت عملتها دندره ( يعني عمل ضجة كبيرة وصراخ ) . المهم ما علينا .. خرجت من أبو زعبل سنه 1978 ولسه ما خدتش نفسي ، جوني العيال بتوع هندسة عين شمس وقالولي عاوزينك انت والشيخ إمام في حفل نهايه العام الدراسي .. قلت أيواااه . حفله في الجامعه يعني الشيخ إمام يروح على حوش آدم ( منطقة من أفقر مناطق القاهرة وحوش تعني بالبلدي المحترم خرابة كان يسكن بها ادم ونجم ) والعبد الفقير ع السجن لزم ! وقد كان

رحلونا على سجن طره ومعايا خمس أشبال من هندسة عين شمس . ويشاء السميع العليم إن يوم القبض علينا يكون هوا يوم الزياره الميمونه للرئيس السادات للقدس الشريف !! شوف حكمة ربنا يا مؤمن ؟

أتاري السيد اللواء رئيس منطقه سجون طره كان من الحراميه التقال ونازل غب ومرستق أموره في المنطقه ومش عايز يمشي ف متعرفيش مباحث أمن الدولة وصوه علينا ولا هوا اللي اتطوع يقرفنا من باب إعلان الولاء وإرضاء أسياده ؟ الله أعلم .. قلت له بلاش ، مفهمش .. يا ابن الحلال احنا أمانه في رقبتك وعاملنا كمسجونين احتياطيين طبقا للايحة السجون ودا أبدا راكب دماغه ، ومن مصلحته طبعا عند أسياده إن احنا نشتكي من سوء المعامله .. بس احنا بقي ما نولناهوش مرامه جهزنا مجموعه من البيانات هربناها للخارج وبدأنا إضراب عن الطعام استمر 12 يوم واتنشرت أخباره في الصحافه العربيه والعالميه وده كان مقتل السيد اللوا الحرامي لأنهم اتهموه بالغفله ونقلوه من تكية منطقة سجون طره اللي كان بالعها في كرشه .

وأثناء الإضراب كتبت القصيدة دي ..

الإضراب

باسم الإله الشعب
رب المضربين
الصايم
المحروم على مر السنين
يا منشدين الحي
حيوا حينا
واحنا هنا
ع العهد دايما مخلصين

محلا القصايد
في الشدايد .. والغنا
محلا الكلام الحب
أوقات الشقا
احنا اللي تهنا ع الطريق
من بغضنا
متفرقين
والسجن هوا الملتقي !
آه يا رفاقه
من متاهات الطريق
لما الليالي
بيتخنق فيها القمر
يمشي الصديق
في الضلمه
يخبط في الصديق
والسكه بنت الخطوتين
تاخد سنه !

إحنا النهارده فين
وكام
وبكره كام
وبعده فين ؟
في كل يوم بنزور مكان
وكل يوم
بنزيد عدد
وكل يوم
نفتح بيبان
وكل يوم
بنزيل سدد
وكل يوم
يطلع بنا
وكل يوم
ينزل هدد
وكل يوم
نحبل غنا
وكل يوم
نولد مدد
احنا كده لازم نكون
جوا السجون
برا السجون
محلا القصايد
في الشدايد والغنا
محلا العيدان الخضر
في الربع الخراب
احنا اللي تهنا ع الطريق
من بعضنا
متجمعين
بنخط صفحه في الكتاب
ملعونه قامه تنحني بالقهر
من حاكم .. وخان
ملعونه كلمه تنتني في الحلق
تهرب م اللسان
ملعونه ساعه تنحسب م العمر
يطويها الخنوع
ملعونه لقمه مغمسه بالذل
ملعونه الجبان
آه يا رفاقه
ياللي عملتوا الصلابه للحجر
بانده لكم
وسط الكآبه
والرتابه .. والضجر

يا مقربين الفجر
نوره ومطلعه
مدوا المسامع
في المجامع
واسمعوا
صرخة مغني الحي من جوف العدم :

اتجمعوا

اتجمعوا

اتجمعوا


http://www.tlaxcala.es/pp.asp?reference=2471&lg=ar



 


UMMA: 20/04/2007

 
 IMPRIMIR ESTA PءGINA IMPRIMIR ESTA PءGINA 

 ENVIAR ESTA PءGINA ENVIAR ESTA PءGINA

 
VOLVERVOLVER 

 tlaxcala@tlaxcala.es

HORA DE PARحS  10:56